Irantzu Lekue artistak “iSSSilpean/SSSilencio” erakusketa aurkeztu zuen uztailean Gasteizko Judimendi auzoko ARTgia Sorgune & Aretoa aretoan. Izaera autobiografiko, pertsonal, esperimental eta intimista handiko laginean murgiltzea proposatzen du. Irantzuk bere ibilbidearen hainbat etapatan sortutako lanak, hainbat leku eta denboratan esperimentatuak. Espazio ireki edo itxietarako asmatutako obren erregistroak, iragankorrak edo iraunkorrak. Ikus-entzunezko lanak, esku hartutako objektuak, pintura-lanak, obra materikoak, hori guztia hitz baten inguruan: isiltasuna.

“Isiltasuna… Isilune asko gordetzen ditugu. Besteentzat, geure buruentzat. Aldez aurretik pentsatutako isiluneak, helburu jakin batekin, edo ezarritako isiluneak. Erakusketak izaera sozial nabarmena duten lanak biltzen ditu, barrura begiratzen duen ikuspegi batetik.”