30 liburuko sekuentzia irekia, espazio karratu eta murritz batean esekia. Haren itzal proiektatuek hegaztien hegaldien antza dute. Historian zehar aitzindari izan diren eta perspektiba berrien sortzaile izan diren emakumeen 30 izen agertzen dira. Izen propioak: Simon de Beauvoir, Camille Claudel, Marie Lavoisier, Clara Campoamor, Pantita Ramabai edo Hypatia de Alejandria, besteak beste. Ezkutatu zaizkigun izenak; emakume ezezagunak, ikusezinak eta gizonek isilaraziak, beren lorpenak ere beren gain hartu dituztenak.

Metakrilatozko horma batek kultura erabiltzaileei galarazten die liburuetara hurbiltzea. Hauen irakurketa oso korapilatsua da: emakume hauen izenen irakurketa aretoaren mutur batetik egin behar da, bertan dauden prismatikoak erabiliz. Oso tamaina txikian idatzita daude, kostata sumatzen dira haien orrialdeetan. Hausnarketa bultzatzen du horrela artistak.

Historian zehar erreferente femeninoak aurkitzeko zailtasuna, liburuetan horiek aurkitzeko zailtasuna eta emakumeak goi karguetara iristeko, berdin tratatua eta kontuan hartua izateko zailtasuna dira Heroia anonimoak instalazio artistikoaren leit motiv-ak. Lan honetan, emakumearentzat, oraindik ere emakumearentzat dagoen kristalezko sabaia hesi sinboliko bat da, emakumea gutxienekora, bigarren maila batera, geldiarazi, mugatu eta murriztu duena. Muga horiek, emakumeei ezarritako mugak, irudikatuta daude aretora sartzeko ezintasunaren bidez.

Antzezlanak publikoaren interakzioa bilatzen du, eta emakume handi horien izenak zeintzuk diren argitzen saiatuko da. Urte luzeetan ezezagunak izan ziren emakume hauen guztien izenak obra oniriko hau osatzen duten liburuetan agertzen dira.